Concurso "ImaxesRAPAcandaoso-2013"

No marco da celebración, na parroquia de Santo André de Boimente, da súa XLV  edición da “Rapa das Bestas do Curro do Candaoso” a Asociación de Mulleres Rurais “Fraga das Saímas” convoca o Concurso de Fotografía baixo o lema “imaxesRAPAcandaoso-2013”.
 

Con esta iniciativa preténdese contribuír ao fomento e á promoción da Rapa das Bestas do Curro do Candaoso, na parroquia de Santo André de Boimente. Unha das festas de interese turístico  máis ancestrais e de maior arraigo do Concello de Viveiro que celebrará a súa XLV edición, como é costume,  o primeiro domingo do mes de xullo de 2013.