jueves, 5 de septiembre de 2013

VIDEO DA PROXECCION "60´EN POSITIVO 2013"

Xa está dispoñible o video co montaxe dos traballos que se poideron ver na proxección feita na Praza Maior de Viveiro polos nosos socios dentro do programa de festas patronales.
Destacar a incorporación este ano de novos socios, que nos coñeceron a través dos cursillos de iniciación que fixemos ao longo de este ano e a colaboración de "Forestman" dende Alcalá.
Esperamos poder seguir mellorando cada ano tanto en calidade coma en posta en escea,e que a "familia negativa" siga medrando.


miércoles, 4 de septiembre de 2013

IV ROTEIRO FOTOGRAFICO EN BARREIROS

Seguindo a liña de traballo deste ano, adicada ao Rural Barreirense, o Colectivo Cultural Ollomao organiza para o próximo SÁBADO, 7 de SETEMBRO, o IV Roteiro Fotográfico.
 Ollomao vén realizando esta actividade de maneira parelela ao certame fotográfico “Enfocando Barreiros”, que este ano, na súa terceira edición, leva por tema tamén o rural barreirense. O obxecto destas xornadas é dar a coñecer e poñer en valor o patrimonio natural e a arquitectura popular barreirense, á vez que ofrecer un espazo de participación e convivencia para as persoas amantes da natureza e aficionadas á fotografía.


O punto de partida para o roteiro está sinalado na planta CAVI (Centro de Alimentación de Vacuno- Irmandiños) na parroquia de Vilarmartín Grande, ás 09:30 da mañá. Este roteiro é circular de xeito que o punto final está situado no mesmo lugar que o punto de saída, onde todas as persoas que desexen participar poderán deixar aparcados os seus vehículos no tempo de duración do roteiro. Está prevista unha duración aproximada de 5 horas e o percorrido a realizar dun total de 15 km. comprende os lugares de A Cabana da Vella, Vilamartín Pequeno, Vilamartín Grande, Gondán, A Rilleira e Cabarcos. Ao igual que o resto de roteiros organizados polo colectivo barreirense, este será tamén guiado e contará coa participación dun experto en materia de historia local que explicará puntos de interese que se vaian atopando ao paso como o antigo Concello de Cabarcos, o cárcere e a antiga notaría.

 Dende Ollomao informan que a ruta planificada discorrerá en todo momento por camiños asfaltados. Recoméndase que cada partipante vaia provisto con calzado e roupa axeitados, así como de comida e bebida para o seu consumo durante o roteiro. Esta actividade é libre e de balde para todas as persoas interesadas non sendo preciso apuntarse por adiantado, abonda con estar no lugar e hora indicados para o punto de saída. Todas as persoas que desexen aclarar algunha cuestión relativa a esta e outras actividades do colectivo poden dirixir as súas dúbidas por correo electrónico ao enderezo: colectivo.cultural.ollomao@gmail.com

 Informan tamén que o prazo para a participación no certame fotográfico foi ampliado ata o día 30 de Setembro, co cal animan a todas as persoas que gusten da fotografía a tomar parte nos roteiros a celebrar durante este mes de Setembro, sendo unha boa ocasión para a captura de instantáneas da zona rural do Concello de Barreiros. Asimesmo, convidan a participar a todas as persoas que gusten de facer camiñatas aínda que non sexa con motivo da fotografía.

miércoles, 14 de agosto de 2013

Proxección "60 minutos en positivo"

Este vindeiro luns, día 19 de agosto, proxectaremos na Praza Maior de Viveiro "60 minutos en positivo".
Serán 12 os traballos que se poderán ver dos compoñentes da nosa asociación e quen sabe se habera algunha sorpresa a maiores.
Con unha temática variada contaremos cos traballos dos novos socios surxidos dos cursos que impartimos ao longo de este ano asi como dos mais veteranos.



Esperamos unha noite propicia para pasar un bó anaco coa compaña de afeccionados e amigos.

martes, 9 de julio de 2013

EXPOSICION "APAÑADORES" DE BANDIA RIBEIRA




 "Apañadores" é un proxecto de fotografia documental que se centra na vida dos traballadores temporeiros que recollen narcisos en Escócia, Irlanda e o sur de Inglaterra, entre xaneiro e finais de marzo. A temporada empeza nas terras do sur por ser mais cálidas e remata no norte. Reino Unido é o primeiro productor mundial desta flor.

Este proxecto está centrado na vida de Cathlenn, 41 anos, procedente de Italia, de pai australiano e nai italiana, leva cinco anos traballando como recolectora en distintas granxas viaxando por todo o terrotorio europeo, que decidiu comezar unha vida nómada trás a repentina morte do seu home, para “olvidar o pasado".


                                                                     foto: Bandia Ribeira



Bandia Ribeira 

Fotógrafa nacida en As Pontes en 1979.
Licenciase en Ciencias Políticas na Universidade de Santiago. Estuda Fotoxornalismo na Universidade Autonoma de Barcelona. Traballa como Becaria en El Progreso em 2009 e colabora coa Fundacion FIAS no proxecto de fotografia participativa Racons, que ten lugar no Centro Penintenciario de donas de Wad Ras em Barcelona entre os anos 2009 e 2010.
Em 2010 recibe a beca no X Seminariode Fotografia e Xornalismo de Albarracin. Este ano é invitada ao Festival Emergents de Lleida.
En 2009 comeza co proxecto “Recolectores”, no que segue a traballar e no que esta exposicion se presenta unha mostra do mesmo.


A exposición poderase ver no Centro Cultural Regal Xunqueira (Curva de Xunqueira, Camiño Real 127) a partir do vindeiro día 10 de xullo.Esta previsto o acto de inauguración para as 20.30h.
Maís información na web do centro ou no telefono 982 56 25 89






















miércoles, 5 de junio de 2013

Concurso fotográfico "Cervo respecta 2013"

O pasado día 3 de xuño deuse a coñecer os gañadores do concurso organizado polo Concello de Cervo co gallo do Dia Mundial do Medio Ambiente.Tratabase do " Cervo Respecta" xa na sua 3º edición, coa temática centrada na preservación do medio ambiente e no contorno natural.
De un total de 52 fotografías presentadas o gañador foi o noso compañeiro "Negativo" Juan Antonio Fernandez Vazquez,maís coñecido entre nós co alías de "ofillodopanadeiro", con unha foto nocturna da balsa de lodos de Alcoa.
No apartado "Top Cervo" a gañadora foi Elena Fernandez Vazquez,irmán do gañador e segundo foi Pedro Vicente Canoura,tamén vinculado a nosa asociación.


   Autor : Juan Antonio Fernandez

"Pois a foto está feita na presa dos lodos rojos de Morás no 2008, cando comecei neste mundillo, hoxe é imposible de facer. Ó pasar en coche hacia Morás vin ese reflejo, aparquei o coche na cuneta e tirei a foto, daquela non sabía nin que existía os RAW nin para que servía así que está en jpeg directo, é tal cual o que se vía, sin nadiña de vento un reflexo perfecto."



Autora: Elena Fernandez (1ª premio Top Cervo)


Noraboa a todos.


martes, 4 de junio de 2013

Concurso "ImaxesRAPAcandaoso-2013"

No marco da celebración, na parroquia de Santo André de Boimente, da súa XLV  edición da “Rapa das Bestas do Curro do Candaoso” a Asociación de Mulleres Rurais “Fraga das Saímas” convoca o Concurso de Fotografía baixo o lema “imaxesRAPAcandaoso-2013”.
 





Con esta iniciativa preténdese contribuír ao fomento e á promoción da Rapa das Bestas do Curro do Candaoso, na parroquia de Santo André de Boimente. Unha das festas de interese turístico  máis ancestrais e de maior arraigo do Concello de Viveiro que celebrará a súa XLV edición, como é costume,  o primeiro domingo do mes de xullo de 2013.



jueves, 23 de mayo de 2013

FOTOS KDD OPORTO

Xa de volta de Oporto, ahora toca "procesar" a inxente cantidade de fotos que traemos. Foron tres días moi completos con un tempo soleado e algo frío por veces, que nos permiteu disfrutar de esta cidade a tope.
O longo des esta semán irán aparecendo as primeiras fotos dos "Negativos viaxeiros" e acompañantes.Como mostra, a do grupo diante do hotel.


Como no blog non podemos colgar a totalidade das fotos iremos poñendo os enlaces de cada un no seu Flickr para poder velas todas.



Enlaces Flickr:

Ana" Golden",
Antonio "antvaztra",
Antonio Ben "anttben",
Antonio Lopez "Tonete",
Oscar PL,
Juan Ocaña "juoka"